娱闻乐

近年韩国选秀节目大行其道，好似《Produce 101》第1季同第2季咁，更加系红遍全亚洲，节目已经成功炮制出爆红组合IOI及Wanna One。呢个选秀节目风潮已经吹到去内地，早前嘅《偶像练习生》已经吸引100名男练习生参加，虽然被指抄袭《Produce 101》，不过仍然深受内地网民爱戴。而正式授权嘅中文版《创造101》就会喺听晚正式首播，节目同样揾嚟101位来自唔同经理人公司嘅女练习生，喺几个月内进行各方面嘅训练，之后会投票选出11位练习生组成偶像团体出道。唔讲唔知，原来香港都有代表参加，佢就系歌手许靖韵（Angela）。

24岁嘅Angela喺赛前已经有喺内地爆红嘅陈伟霆、容祖儿、李克勤及任达华拍片为佢打气，节目未开播已经成功吸引内地网民注意。

希望Angela可以keep住个势，成功入选11强啦！