无綫热播剧《三个女人一个“因”》受全城追捧，而剧里面担正的黄智雯饰演患有人格分裂症的角色，一人分饰三角、真系少啲演技都唔得，难怪备受赞赏！

黄智雯在剧中其中一个人格叫“菠萝椰奶”，经常大秀流利英文，但作为香港人，梗系要讲番地道的港式英文。

有见及此，TVB官方专页“See See TVB”亦将剧集重新配音，改为港式英文版大放笑弹！

条片将大闹写字楼的一幕重新配音，连反串做女角嘅袁伟豪都有份被恶搞。

对白由正宗英文版“You Shut Up，Nasty Woman”变成地道版“Collect Your Voice”，直截了当叫人收声，真系够晒霸气！

不过点都唔够李国麟抢眼，皆因佢嘅金句配音做港式英文版之后劲爆笑，好似“The people learnt and abandon the master”、“The last one left，worse than losing the family”呢两句，就系“教识徒弟冇师傅”同“执输行头，惨过败家”嘅意思，认真无厘头！

不少网民大赞翻译得好好，完全捉到港式英文嘅精髓，香港人实一睇就明！

同场加映的袁伟豪在剧中女装打扮都引起讨论，估唔到反串做女角嘅佢咁索，仲要着斜膊衫晒香肩，唔怪得一班（雄性？）网民都赞佢好靓，睇到流晒鼻血。

网民有话儿：
XXikaMaXX：袁伟豪好正，想引死人咩！
CaphyLaXXX：好想快啲睇到袁伟豪扮女人。
EriXXXHo：李国麟啲英文明明唔啱，但见到佢讲又好有说服力。
X永康：全部都翻译得好好。

看短片啦