呢期最有话题性的手机，相信应该是华为 P20 系列，以及波子特别版的 Mate RS，当中的 Mate RS，集合了不少黑科技于一身，除左有 6GB RAM + 256GB / 512GB ROM，而且仲支持屏下指纹、2K 曲面芒、三镜头等等，但问题系，几劲几屈机都无用，过万元买华为，边个网友咁有钱会买？想玩屏下指纹，其实用便宜近万元的价钱，已经可以玩到。屏下指纹版的 Vivo X21，水货今日正式抵港，呢个价我又觉得唔算贵，网友点睇？

屏下指纹技术，由 Vivo X20 Plus 开始，已经领先业界推出。而今日，支持屏下指纹的新一代手机 X21，亦都已经抵达旺角先达，第一水卖价为 $4580。唔知系咪而家手机愈出愈贵的缘故，版主觉得呢个价，以水货来说并不算贵，大陆卖价都要 3598 人民币，折合港币约 $4495，而家水货店每部净系赚你 $100 都无，一点都不过份，而且呢个价比起华为 Mate RS (扣埋税，最平 256GB 版都要万三蚊)平好多，但仲可以玩屏下指纹添！

Vivo X21，普通版其实早前已经抵港，现时水货卖价为 $4000。X21 用上了 6.28 寸 18:9 SuperAMOLED 芒，屏占比 90.3%，相当高，但系有 M 字额浏海，配备 S660 AIE 处理器，加入了 AI 人工智能技术，而唔系打需求好大的 Game，呢粒 U 其实已经好够用。另外，X21 亦内置了 6GB RAM 以及 128GB ROM，用上 1200 万像素 + 500 万像素双主镜头，以及 1200 万像素前置镜头，并采用了 DualPixel 传感器。论外观，呢部 X21 个样都唔差嘅，你会唔会钟意？