讲到TVB嘅宫斗剧

最令人深刻嘅莫过于

《金枝欲孽》《宫心计》

通常第二季都好容易扑街

《金枝欲孽》就係个好例子

明明第一季高分好评

第二季就变得一言难尽

咁《深宫计》作为《宫心计》第二季

究竟会唔会扑？

寻晚(21日)《宫心计2深宫计》

终于喺电视机前同大家见面

作为TVB50周年大制作

大台都非常重视呢出剧

唔止係制作上落重本

播出前不断有宣传片

以及各种活动造势

不过首播就遇到一D小风波

本来话内地网络同步播出

但係网友等咗成晚都冇

well

坐定定睇电视直播嘅就不受影响

就係相比网上睇广告比较长lor

讲返今次呢部宫斗剧

胡定欣唔止做女主角

仲唱埋主题曲《无悔无愧》

同马浚伟合唱插曲《明月与海》

唱得都OK噶

片尾曲係Hana唱嘅《飞蛾扑火》

but

可乐君觉得

关菊英当年嗰首《攻心计》更加有气势

《深宫计》第一集

主要係角色登场

讲下D前因后果咁啦

可乐君简单同你介绍下人物关系

☟

帝后CP

马浚伟、胡定欣

马浚伟饰演唐玄宗李隆基

胡定欣就係马仔嘅糟糠之妻

查案组

马国明、萧正楠

剧集加入咗查案元素

负责查案嘅就係马明同老萧

甥舅组

陈炜、周秀娜

舅母陈炜将外甥娜姐当做棋子

安插喺马仔身边破坏感情

（BTW，娜姐18集先会出嚟）

尚宫局

呢度谢雪心最大

然后係张文慈、康华、罗霖、张慧仪

刘心悠入宫被司设房收归旗下

后尾成为公主卷入后宫争斗

姊妹组

刘心悠、黄心颖

因为都係宫女又经历过D嘢

所以friend咗

刘心悠、周秀娜

两个一开始都係比较纯品嘅设定

后尾刘心悠做公主

娜姐成为昭仪

对胡定欣忠心嘅心悠

唔G会唔会同娜姐反目

其他CP

马浚伟、周秀娜

皇帝见一个爱一个係咁噶啦

马国明、黄心颖

剧中马明胡定欣有过一段恋情

后马明爱上黄心颖

萧正楠、刘心悠

经典套路冤家变情人

主要人物就係以上呢堆

特别介绍一下

玲玲姐都有客串啊

珠圆玉润嘅玲玲

可能係成出戏里面

最符合唐代美人标准嘅人

well

剧集播出后

少不免被吐槽

比如话D衫好似范冰冰武则天咁

冇晒港味wor

亦有人话剧集又係TVB套路

眼线越粗人越奸

不过可乐君观察过片头

今期似乎冇咩逆转

最奸嘅应该係陈炜、胡定欣

因为佢哋D衫最浮夸

陈炜明显係奸嘅

而胡定欣“人粗志不短”

係嗰种默默忍受等待爆发嘅奸

可乐君好想知道

佢同当年杨怡演嘅姚金铃相比

究竟边个奸D

除此之外剧集都会被用来比较

2009年《宫心计》结局50点收视

被问到有冇收视压力

胡定欣就话：

“其实没有，因为大家已经尽力做到最好，

小青姐和团队花了一整年时间做后制，

而我一直都对小青姐的作品很有信心。

我的本分已经做好，

希望观众能细心观赏，

感受每一个演员的心思。”

今次剧集主要两条线

一係马浚伟、胡定欣夫妻向陈炜势力抗衡

二係刘心悠揾家姐

第一集火药味仲未好浓

因为胡定欣未有势力同陈炜斗

反而饰演刘心悠童年同佢家姐嘅

两位小演员最令人深刻

开局交代完来龙去脉

之后就睇佢哋点样斗法

不过谂返之前嘅《溏心3》

可乐君就开始担心

会唔会又係讲就天下无敌

最尾又係胶剧？

Any肥

讲起宫斗剧

来来去去都係三幅被

你最期待嘅画面係咩？