林峯早前嘅广州演唱会，

你地有冇去睇啊？？

去咗嘅都知道，

当晚究竟有几震撼啦！！！

近排林峯又拍戏，又开演唱会，

事业都顺风顺水。

看似冇乜紧要嘢，

其实林峯即将展开人生新一页！！

唔喺结婚，

而係日前佢决定，要自组公司！！

即将同合作三年嘅英皇约满，

到时佢唔再续约，

话会成立工作室话晒事兼招揽艺人，

37岁嘅佢打造自己成为娱乐大亨！

出道18年，林峯星途稳阵，

歌、视都掂，

佢D戏大家睇唔少，

佢仲摞过《劲歌金曲颁奖典礼》嘅

两届最受欢迎男歌星、

三届亚太区最欢迎男歌星，

仲摞过金曲金奖！

14年约满无线，

佢1亿价钱加入英皇，发现电影事业。

虽然约满英皇，但都会继续合作，

经理人霍汶希坦承：

「佢谂住自己做，佢想成立自己嘅工作室，但英皇依然同佢有好多合作 ，好似有几部电影、电视剧，我哋之前帮佢主办嘅世界巡回演唱会都会继续做，大家只不过转咗一个合作形式。」

讲翻日前嘅广州演唱会，

英皇为林峯打造咗一个

全广州最大嘅四面台，

港星喺广州少有嘅待遇！

方便林峯爆肌。

而且仲加码7位数字，

为佢订制太空机械吊臂，

畀佢喺高空中自由吊吊揈，

同粉丝超近距离接触。

林峯当晚仲爆识冧fans，

好爱锡歌迷噶！！！

亦都有传佢喺内地发展好掂，

3年前更凭年赚2千几万，

登上福布斯中国名人榜第53位，

见到前人咁多自己开公司，

刘恺威，叶璇，王祖蓝，

佢自己都打算话嗮事，

避免分佣全程赚到尽。

据悉佢同音乐人好友

邓智伟做拍档，

有意签有潜质嘅艺人，

有传千语BB係佢头号目标啊！！

以林峯嘅专业度同人脉，

想好好发展其实并唔难嘅。

不过始终新领域，

而前人真系有失败个案，

就系王祖蓝。

王祖蓝年出成立公司“手工艺”，

当时一口气签咗20个艺人，

有太太李亚男、邓萃雯、徐子珊、

林欣彤、黎瑞恩、

陈嘉佳、金刚等明星。

而近日就有报道指佢公司旗下艺人

逐个走，

主因就係王祖蓝冇时间。

因为王祖蓝自己都好忙，

缺乏时间打理旗下艺人事务。

首先係话帮徐子珊开戏，

最后开唔成，徐子珊嬲猪，

最后萌生去意。

邓萃雯就系因为

自己唔Like做综艺节目，

都系想拍翻广东话剧，

所以意见产生分歧；

然后近期又有林欣彤，

演唱会讲咗好耐都未开，

最后都系一路推迟，

Mag话係冇时间彩排，

费事为开而开。

日前更有传邓萃雯同黎瑞恩

已经离巢。

不过就话佢地虽然离巢，

但同祖蓝关系依然友好，

祖蓝亦希望佢地可以大展鸿图。

艺人自己就算几红都好，

开公司始终係生意一盘，

有好有坏就一定噶啦，

希望林峯公司可以掂啦！！