艺人姚子羚今日38岁生日，当然唔少得一班“胡说八道会”嘅好姊妹包括胡杏儿、胡定欣、黄智雯、李施嬅同胡蓓蔚同佢一齐庆生，加上早前智雯夺得马来西亚及新加坡嘅双料视后，真系喜事重重，当然就要成班齐人庆祝啦!

见到佢哋预备咗个靓蛋糕同有一束花兼向寿星女送吻，难怪子羚都开心爆！施嬅仲话：“祝10分劲的姚子羚生日快乐。

呢位美女同我嘅口味同喜爱嘅东西（除咗男人）都好相似，所以一齐经历很多。希望你要乜有乜，开心健康，真命天子快啲出现啦（喂，真命天子，睇到呢段message快啲报到啦！） love you babe!”