iiiiiiiiiiiiiiiiiiiiiiiiiiiiiiiiiiiiiiiiii

罗家英上周四为ViuTV《友枱VIP》担任嘉宾，讲到TVB不尊重老一辈艺人，除曾经令到阿姐汪明荃不开心一度想离开外，更指现年87岁的刘兆铭（Ming Sir）也曾不受尊重。

家英哥节目中说：「一年一骚呢个问题，我听刘兆铭讲嘅。原来Ming Sir要同TVB签约，签完约一出个门口，嗌佢返转头话：『刘生，你已经超过60岁，呢份约我哋要取消，要签过另一份约。』而另一份合约，列明一年一骚个骚，咁刘兆铭同佢讲话唔签，要走喇。后来佢喺澳门同我拍紧一套戏，佢拍晒枱好嬲。其实佢已经准备拍唔知《茶是故乡浓》定《酒是故乡醇》，同公司做好晒沟通工作谂住去拍啦，都搞到唔拍唔做喇！」

记者昨日致电Ming Sir，说到拍枱事件时，Ming Sir笑说：「係呀，好耐世纪喇。我係第一个艺人签一个骚，个道理好好嘅，你签一个骚好自由，你可以做又可以唔做。佢又唔使养你，你又冇酬劳得到嚟保障你嘅生活，公司锺意畀你做，唔锺意就唔畀你做。

都10几、20年前，我係第一个，佢话大家自由，咁我话你畀多啲嘢我係你自由，畀少啲嘢我做又係你自由喎，咁我得到时间嘅自由，唔使迫住日日夜夜做，听起上嚟好为啲艺人喎，又可以休息啦，做吓自己嘢又得。我早期又冇经验话好唔好㗎。」

那么，是否仍是无綫艺人？Ming Sir说：「咁咪等紧佢签囉，签咪有约，唔签咪冇约囉。咁家吓断咗，即係10年你唔连住就冇咗个金牌㗎啦，公司唔识我吖嘛

公司见到有个number係我之嘛，唔係一个艺人，唔係刘兆铭吖嘛，係观众先当我係演员，公司当我係一个number嚟，呢个number如果唔连续签，嗰个10年（金牌）就冇咗。即係我哋去公立医院睇医生，你过咗一个钟头，咁就要再隔半年。」

iiiiiiiiiiiiiiiiiiiiiiiiiiiiiiiiiiiiiiiiii

iiiiiiiiiiiiiiiiiiiiiiiiiiiiiiiiiiiiiiiiii

问Ming Sir是否会再签无綫？他说：「佢唔搵我，我冇得（签）㗎。佢文化艺术大鳄，你点会了解得到佢？我哋小卒嚟，冇资格讲人，因为佢哋係当你冇到，因为太多人等住做嘢。」Ming Sir明白后浪推前浪，并谓：「所以你要喺得意嘅时候要争取做多啲嘢，如果唔係一过咗，你本来啲功夫仔再摆落去都唔係得意嘅。」

iiiiiiiiiiiiiiiiiiiiiiiiiiiiiiiiiiiiiiiiii