张卫健虽然失奖，犹幸有一班拍档力撑，认真窝心！

艺人张卫健（Dicky）前晚出席无线节目《阿姐有乜未见过》录影，专诚贺汪明荃兼撑「猪朋狗友」苏永康。之前Dicky凭《大帅哥》竞逐视帝，但最终缺席颁奖礼，他对此笑说：「唔使啦！我嚟做咩啫！一直只系想将戏演好，咁多年以嚟几乎未攞过一个有关演戏慨奖项，只希望得到观众慨心。我认为人生可以渺小，但唔可以虚度，角色可以戏少，但唔可以Hea做，呢个系我多年慨宗旨，大帅哥呢个角色我对得住自己、对得住观众。（唔在乎视帝？）你话呢？」

唔再宣传《大帅哥》

之前他笑言会拍到有奖攞，他说：「你知我钟意讲笑，大帅哥唔系咁易畀你捉摸到。」对于《大》剧一班后辈对他失视帝不值，他说：「渠哋见到我慨付出，感触大啲啫！（仲会唔会出席《大》剧宣传？）跟住工作都排满晒，应该唔会。」

苏永康被问到可有戥张卫健失落视帝唔抵？他说：「据我所知张卫健系想拍一部渠喜欢慨港产剧畀大家睇，渠慨目的已经达到，收视亦证明佢做到，系咪屋企多个亚加力胶，对渠都唔重要。」