唱歌拍戲拍劇一齊嚟鄭欣宜轉會獲鄭裕玲撐場

鄭欣宜昨日出席加盟寰亞的盛大記者會，由重量級主持鄭裕玲（嘟嘟）擔任大會司儀，會上欣宜獻唱新歌《小夜燈》兼首播MV，老闆林建嶽送她兩購物車食物。

其實欣宜8月已簽約，但一直未有機會公佈，在疫情環境下能舉行記者會，欣宜坦言好難得說：“公司好支持我，又幫我做新歌、拍MV，仲幫我開記者會，令我有好被照顧嘅感覺。（公司好重視你？）非常重視，你睇個臺個電視機大到，我未試過做記者會個電視咁大，我都未有咁wide。”

問欣宜籤咗幾多年賣身契？她說：“呢啲唔使講，總之系開心嘅時間，我一向一個人住，我都要時間去培養先成爲family，（加盟身價呢？) 梗系開心㗎啦，喺呢個環境底下籤到公司，我已好開心，當然寰亞都繫好大方嘅公司，（最開心嗰兩車食物？）開心㗎，你睇我幾容易滿足。”

公司對你可有承諾？她沒有想太遠，反而公司有提出拍戲拍電影，她說：“開拍電影、電視劇，又會搞演唱會，我對自己都冇乜信心，但佢哋睇到我呢方面potential，都希望各方面都嘗試，（你有冇乜大計？）我就梗繫好想唱歌啦，希望可以開騷，我好記得簽約落完筆嗰下，就已經帶我去演唱會部門，話之後你想開咩騷就同呢位傾，我梗系即刻認住佢。”但她不心急開騷，因爲剛做完第一首歌，她要儲下歌先，依家先推出第一首歌。

前輩嘟嘟好支持她，不停叫大家播她新歌，她說：“我估唔到佢會出現兼做埋司儀，其實最感動頭先記者會完咗，佢喺我耳邊講：‘You done so well！’一個咁能幹、我咁敬佩嘅人咁留意我做嘅嘢同讚我，我要更加努力。”

鄭裕玲（嘟嘟）爲世姪女鄭欣宜加盟新公司記者會擔任司儀，問到嘟嘟是否被大會重金禮聘？她笑說：“真系啲錢畀番化妝、整頭。”拍膊頭上陣的嘟嘟坦言睇住欣宜大：“我覺得佢好乖，冇變壞，爲自己事業奮鬥，我覺得欣宜系我哋香港人嘅集體回憶之一，因爲好多人睇住佢大。”

嘟嘟也戥欣宜加盟新公司感到高興，更難得舉行記者會，她說：“啲記者會真繫好耐冇開，今日開咗，好似娛樂圈都有嘢運行，有番啲氣氛，好值得嚟，（你好撐欣宜？）希望大家支持啦，都系經濟嚟，所有嘢要運行先得，大家多啲支持，我哋做藝人、歌手先可以繼續行落去，（有冇咩忠告欣宜？）佢好識諗，唔使忠告，佢又識唱歌又識跳舞，又開演唱會又拍電視、電影，依家做埋網紅，叻過我。”轉自看港劇