原创 海上梦叠 海上梦叠

我是丁迪蒙，上海大学文学院中文系教师，国家级普通话测试员，从事语言教学四十余年。在学校教授现代汉语、对外汉语教学法、文化语言学、普通话语音训练、上海话和海派文化以及书法、汉字书写技巧等课程。

2000年开始致力于上海话的教学和推广，曾经是上海人民广播电台“轻松集结号”栏目上海话板块的特约嘉宾。

从今天开始上传的这些上海话和上海文化的内容，是我在2012年开始在电台“上海闲话”板块中，以互动话题为具体内容，以上海话语词为线索，聊聊上海话的语言魅力，并彰显上海文化的丰富多彩。对老上海人来说，她是记忆和回味；对新上海人来说，则是学习、体验、感悟。

其中三分之一内容曾经收录在《妙趣横生上海话》（上海大学出版社）里，现用沪语写出，并由我主讲。

来源：上海电台轻松集结号上海话板块

连线主讲：丁迪蒙

睡觉，上海闲话叫做“困觉”。葛末，大家想想看，上海闲话当中形容困觉、想困觉、困过头、困觉个姿势、刚刚醒转来个词语有得多少呢？

阿拉现在就来看看看。

开始，是想要困了：伊勒“打呵唏”了，想要困觉了。

挨下来，就开始“眼皮磕冲”了、侬看伊“睡茫茫”个样子、勒勒“打磕充”了呀。

葛末，就应该去寻只地方去“困一歇”、去“眯一眯”了。

吃好中饭，有条件个就去“困只中觉”去“打中觉”了。

困觉个辰光，会得有勿同个姿势。有个人欢喜“朝天困”，有个呢，要“仄转困”，也有人欢喜“合扑困”个。

乃看大冷天，外头是邪气湿冷个，伊个辰光没空调，也没暖气供应。屋里向搭外头个温差就是两度左右。坐勒海冷，到被头里向去就要暖热交关了，所以呢，有勿少人喜欢“捂被头”“赖被头”，去捂勒床浪向，搿能一来末，就困得忒沉了，容易“困失寣”、困失觉”，起来之后还是“困痴梦懂”个样子。

另外，有眼人困觉会得“打昏途”，搞得一只房间里个人“困勿着、勿着寣”，老老大个呼噜声会得拿人从“困梦头里”吓醒，乃末，早浪向就要“困晏觉”“困晏早”了。哪能办呢？索介再去困只“回笼觉”伐！

一觉困醒，还没到天亮，葛是已经“困一寣”了；后头困勿着了，就叫“困失寣”了。

大家拿夜里向不想困觉个人叫做“夜游神”。

假使听到“侬还勒躺死尸啊！” 注意噢，搿是骂人了，讲侬哪能还勿起来呢？

还有一句：侬大概“困扁头”了。注意噢，搿勿是勒讲困觉。伊是“想象搭仔现实差距忒大，勿晓得天高地厚，勒做白日梦” 个意思。

丁迪蒙

迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。

沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。

沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。

丁迪蒙所撰写的，与沪语相关的著作主要有：

《学说上海话》上海科技文献出版社

《听听说说上海话》少年儿童出版社

《实用沪语》复旦大学出版社

《上海话绕口令》少年儿童出版社

《上海方言词语使用手册》上海教育出版社

《上海话读成语故事》少年儿童出版社

《囡囡学童谣》，少年儿童出版社

《囡囡学成语》，少年儿童出版社

原标题：《轻松集结号（沪语版）—— 有多少词语是形容“困觉”个？》

阅读原文