摘要：上季升班附加賽決賽飲恨嘅維拉，今季靠聯賽下半場發力豪取10連勝，再次搶得附加賽入場券，其中車路士借將譚美阿巴謙今季大爆發，成爲維拉頭號射手，可惜此子啱啱傷愈狀態成疑，今場對住西布朗發揮難有保證。上季由英超降班嘅西布朗，今季成功保留大部分原本主力，當中包括前威爾斯國腳笠臣簡奴同英格蘭中場積基李華摩亞，睇得出球隊重返頂級聯賽嘅決心。

　　陣容不整搏唔出樣

週六晚英冠升班附加賽4強首回合，阿士東維拉主場同西布朗合演中部打吡。力爭重返英超嘅西布朗，雖然保留大部分上季陣容，不過近期有多位主力缺陣，加上作客表現麻麻，今場面對維拉都唔敢冒進，捧番1.85倍入球細好過。

（週六晚7時30分開賽，馬會網上文字直播）

上季由英超降班嘅西布朗，今季成功保留大部分原本主力，當中包括前威爾斯國腳笠臣簡奴同英格蘭中場積基李華摩亞，睇得出球隊重返頂級聯賽嘅決心。可惜笠臣簡奴喺聯賽最後一輪領紅牌被驅逐離場之餘，仲要坐3場波監，今場升班附加賽可以唔使預佢。積基李華摩亞又受傷患困擾，今場上陣成疑，令西布朗實力大打折扣。

更不幸係西布朗主場成績過差，主帥戴倫摩亞早前被球會問責炒魷，而暫代看守領隊職務嘅詹士辛雖然改善咗主場表現，不過作客成績明顯退步，近6仗作客僅取1勝1和4負，今場料會以守代攻，留待次回合返主場再鬥過。

關鍵賽事踢得保守

上季升班附加賽決賽飲恨嘅維拉，今季靠聯賽下半場發力豪取10連勝，再次搶得附加賽入場券，其中車路士借將譚美阿巴謙今季大爆發，成爲維拉頭號射手，可惜此子啱啱傷愈狀態成疑，今場對住西布朗發揮難有保證。況且升班附加賽關乎球隊前途，嚟到呢個關鍵時刻，維拉難免會踢得比較保守，佢哋近3仗附加賽就全開2球或以下，今場入球細值得再追。