单文柔做妈妈之后第一个母亲节。

单文柔写信畀囡囡。

港姐出身的单文柔去年与陈展鹏结婚，上月诞下爱情结晶品Quinta“小猪比”，刚坐完月的她正努力学习当一位新手妈妈，面对爱女经常眼碌碌四围望，即使一个手势、一个笑容都会令她大感甜蜜，故趁住做妈咪之后第一个母亲节，单文柔执笔写信给囡囡，表示望能成为她长大的玩伴，并叮嘱囡囡要吃得饱、睡得好，字里行间浓浓母爱。

谈到凑B难忘事，单文柔接受访问时滔滔不绝，她说：“记得有次帮佢扫风，初生BB颈骨好软，托住佢条颈时，唔小心叉住佢条颈，佢好似窒一窒咁、透唔到气咁，仲即刻成个人坐直瞪大眼望住我，不过冇嬲同唔高兴，个样仲好萌，呢个情景到呢刻都好记得，点解自己咁大意。”更指曾有段时间因乳线炎，未能喂母乳给囡囡，令囡囡谷便便，至后来可以恢复喂奶时，没料囡囡的便便畅通之馀，便便量比平日还要多：“当时换完片冇耐，同佢玩完就打侧身抱佢，点知发现佢半个身都系便便，吓到我呆咗，但佢都只系瞪大眼望住我，冇喊，名副其实‘屎捞人’咁样，好崩溃。”

作为新手妈妈，单文柔不讳言出院后的心理及生理也感到惊慌，因展鹏忙于开工，虽然有陪月姐姐同佣人姐姐，但最信任的仍然是枕边人，幸而日复日不断学习，从喂奶到如何触摸囡囡，直至掌握到窍门，才慢慢把紧张放下。

梁小冰昨日出席舞台剧首演，提到母亲节，她透露上星期已提早庆祝：“老公（陈嘉辉）话趁佢唔使返工带我食餐饭，因为最近佢好多剧要拍。”问到儿子有何表示，小冰自言仔仔向来很Sweet，上年对方弹奏了《梦中的婚礼》，并录下来送她：“相信佢今年都会录一首八级嘅钢琴乐章送界我，我精神上好满足。（佢几时考八级？）今个月底。我同老公晚晚都好似喺高级餐厅食烛光晚餐咁，仔仔每晚都会演奏古典音乐，佢系我人生中嘅浪漫，我同老公每日都沐浴于爱河之中。”

若儿子成功考获八级钢琴试会有甚么奖励？小冰称儿子已秘密地要求爸爸送航拍机给他：“仔仔嘅戏剧老师话佢唔单止有演戏天分，仲有导演天分，仔仔唔止自编自导自演，仲识打灯同做埋配乐，佢想用部航拍机影自己弹钢琴。佢虽然今年12岁，但依家啲小学生都要用PowerPoint做功课同埋自己做网页，好似IT人材咁。（叫佢写个剧本畀你拍？ ）我冇呢个谂头。不过佢学校最近有份功课系要写剧本，我觉得佢好犀利，依家啲小学生有咁好嘅Training。”