單文柔做媽媽之後第一個母親節。

單文柔寫信畀囡囡。

港姐出身的單文柔去年與陳展鵬結婚，上月誕下愛情結晶品Quinta“小豬比”，剛坐完月的她正努力學習當一位新手媽媽，面對愛女經常眼碌碌四圍望，即使一個手勢、一個笑容都會令她大感甜蜜，故趁住做媽咪之後第一個母親節，單文柔執筆寫信給囡囡，表示望能成爲她長大的玩伴，並叮囑囡囡要喫得飽、睡得好，字裏行間濃濃母愛。

談到湊B難忘事，單文柔接受訪問時滔滔不絕，她說：“記得有次幫佢掃風，初生BB頸骨好軟，托住佢條頸時，唔小心叉住佢條頸，佢好似窒一窒咁、透唔到氣咁，仲即刻成個人坐直瞪大眼望住我，不過冇嬲同唔高興，個樣仲好萌，呢個情景到呢刻都好記得，點解自己咁大意。”更指曾有段時間因乳線炎，未能餵母乳給囡囡，令囡囡谷便便，至後來可以恢復餵奶時，沒料囡囡的便便暢通之餘，便便量比平日還要多：“當時換完片冇耐，同佢玩完就打側身抱佢，點知發現佢半個身都系便便，嚇到我呆咗，但佢都只系瞪大眼望住我，冇喊，名副其實‘屎撈人’咁樣，好崩潰。”

作爲新手媽媽，單文柔不諱言出院後的心理及生理也感到驚慌，因展鵬忙於開工，雖然有陪月姐姐同傭人姐姐，但最信任的仍然是枕邊人，幸而日復日不斷學習，從餵奶到如何觸摸囡囡，直至掌握到竅門，才慢慢把緊張放下。

梁小冰昨日出席舞臺劇首演，提到母親節，她透露上星期已提早慶祝：“老公（陳嘉輝）話趁佢唔使返工帶我食餐飯，因爲最近佢好多劇要拍。”問到兒子有何表示，小冰自言仔仔向來很Sweet，上年對方彈奏了《夢中的婚禮》，並錄下來送她：“相信佢今年都會錄一首八級嘅鋼琴樂章送界我，我精神上好滿足。（佢幾時考八級？）今個月底。我同老公晚晚都好似喺高級餐廳食燭光晚餐咁，仔仔每晚都會演奏古典音樂，佢系我人生中嘅浪漫，我同老公每日都沐浴於愛河之中。”

若兒子成功考獲八級鋼琴試會有甚麼獎勵？小冰稱兒子已祕密地要求爸爸送航拍機給他：“仔仔嘅戲劇老師話佢唔單止有演戲天分，仲有導演天分，仔仔唔止自編自導自演，仲識打燈同做埋配樂，佢想用部航拍機影自己彈鋼琴。佢雖然今年12歲，但依家啲小學生都要用PowerPoint做功課同埋自己做網頁，好似IT人材咁。（叫佢寫個劇本畀你拍？ ）我冇呢個諗頭。不過佢學校最近有份功課系要寫劇本，我覺得佢好犀利，依家啲小學生有咁好嘅Training。”