今日系一年一度嘅母親節，已經系三子之母嘅藝人張柏芝，呢日喺社交網甫出囝囝送畀佢嘅母親節禮物，就係一個手作紙製獎盃，上面仲寫住“1st”，二仔謝振南（Quintus）解釋因爲覺得張柏芝繫世界上最好嘅媽咪，相信聽到呢句栢芝都冧曬，無論照顧三位小朋友有幾辛苦都會覺得系值得，個獎盃入面仲寫住“From Quintus To Ceccillia”，睇真啲Quintus寫錯咗媽咪個英文名，應該系“Cecilia”先啱。

而5月12日對柏芝嚟講除咗系母親節之外，撞啱仲系Quintus嘅9歲生日，柏芝請咗一大班小朋友同囝囝一齊慶祝，佢仲準備咗一個波鞋款嘅蛋糕，Quintus喺切蛋糕時笑得好開心，而栢芝亦好照顧在場嘅小朋友，一早預備咗好多禮物分派畀佢哋。雖然忙住湊仔，不過栢芝都有喺社交網甫出同媽咪嘅合照講一聲“母親節快樂”。

作爲偉大母親的“長腿蟹”呂慧儀，與四歲兒子“小蟹籽”母子情深，母親節要開工，慧儀只能在前後日子跟兒子及自己母親慶祝，她稱：“佢哋都明白嘅！”暱稱“小蟹籽”爲老闆的慧儀透露，老闆整了小手作送給她而相當開心，她說：“系一個花花相架，裏面寫住Ma Ma I Love You！好靚，佢知我鍾意收花，所以我好開心！其實有冇禮物都冇所謂，最緊要錫媽咪咪得囉！有佢喺度日日都系母親節！”

孝順女康華於母親節仍忙個不停，她除了拍無綫新劇《大醬園》外，更與趙頌茹齊齊演出港臺劇集，對方雖爲單親媽媽，但康華覺得頌茹很積極，並未感到她有失落感。康華一向爭取機會演出，例如早前她爲前輩的演唱會擔任嘉賓，而賈思樂亦到場欣賞，並給予她意見，得到鼓勵同時，她亦想多接登臺工作，賺多點錢送份大禮給母親，她說：“要祝天下母親同我媽媽都身體健康，個個有兒女愛錫！”而康華因爲母親節正日要全日工作，所以地提早一天與媽咪慶祝。