吴业坤早前为咗红馆个唱，事前落足工夫操肌喺演唱会骚肌示人。完成咗个唱后，好快佢又入咗剧组拍摄无綫新剧《大酱园》，不过拍剧时间真系好紧迫，搞到佢无时间做GYM KEEP身形，不过都难唔到佢，佢竟然喺片场就地取材，叫来大只仔同事伍礼骞畀佢做道具健身器材，骑喺佢膊头上面做运动，见到吴业坤孭住伍礼骞一上一落，出尽力咬实眼关不停系咁做，仲留言“早班外景接厂再接外景再接厂，无时间做Gym，唯（惟）有就地取材。”