歐陽震華（Bobby）回到將軍澳電視城，爲處境劇《愛．回家之開心速遞》開工，將會以古裝扮相客串兩集。劇中許思敏（羣姐）對Bobby可說是相當癡情，經常與他的紙牌人對戲成爲網民熱話，一直希望劇組可以聽到民意，安排二人同臺演出。身爲「收視福將」的Bobby人氣勁，除了與「星級粉絲」羣姐合照外，亦有工作人員主動向他集郵，羣姐影合照後，更笑道：「搞到我心肝卜卜跳！」

早前Bobby在社交網站貼出與熊家人的合照，宣佈將客串演出，Bobby透露是他主動向高層曾勵珍提出客串，笑說：「好開心劇組對我咁好，令我一直在劇集亮相，見到網友都話希望我可以演出，最近又不是太忙，我就趁與珍姐傾工作，順便問問可否客串，渠諗一諗就答應，不過想不到是古裝。（紙牌人是以前劇集道具？）我在公司有好多相，渠哋要整紙牌人真繫好容易。（紙牌人上鏡有騷錢收？）哈哈，要問返劇組先得！（有冇機會時裝拍多幾集？）要睇睇反應先知有冇機會。（珍姐有冇叫你返TVB拍劇？）今次見面就係傾工作，年底會拍一套時裝新劇。」