出發前去旅行梗系唔少得要做下準備工作，簡單如做下資料蒐集，計劃嚇行程，book下酒店同埋當地慨local tour，好多時已經要用咗一大段時間，當搞掂呢堆工作之後，就會覺得已經完成，可以準備去玩，其實除咗呢一啲基本慨旅行前必做工作，仲有一啲相對比較多人會忽略慨小準備， 就好似以下呢四件事。

1.信用卡用邊張

大部份香港人都起碼有兩張或以上慨信用卡傍身，系出發去旅行慨時候就記得要好好檢查清楚邊一張信用卡系海外慨手續費比較低，或者系海外簽帳有某啲慨特定優惠，揀好適合今次行程慨信用卡其他就可以唔使帶去，自然亦都減低唔見信用卡慨機會啦。

2.旅遊路線規劃

好多人習慣咗自由行之後，就未必會系出發前仔細計劃路線同行程，尤其去一啲比較熱門慨大城市更加抱住唔需要擔心慨心態。不過事實上每一個旅行地點都隨時會發生變化，出發之前最好都系先確定乘搭慨交通工具班次，免得岀現不必要慨麻煩。

3.預算要小心

以前去旅行大家都會習慣先喺香港兌換定當地貨幣，不過依家越來越多方便遊客慨措施，好多人都會選擇去到當地先兌換又或者直接使用信用卡，不過最好就係出發前預先計算一下各項預算，邊啲項目使用現金，邊啲項目使用信用卡，咁樣可以方便你去到當地兌換貨幣慨時候更加容易控制數量，唔使去到最後幾日要臨急臨忙洗曬啲錢又或者啲散紙多到用唔曬。

4.願望清單提示

好多朋友去旅行都好鐘意隨心隨性，唔會提前諗定有啲咩要買要食要玩，其實最好就係出發之前簡單列出一個願望清單，包括今次行程最想食到慨當地食物，最想試慨當地體驗，同埋最想買慨當地手信，有住呢幾個清單，就算你唔洗計劃一個仔細慨行程，都可以避免去到因爲冇計劃而唔記得咗自己最想做慨事。