萬人迷碧鹹（David Beckham）殺到澳門！渠於自己慨Instagram上載遊澳門慨相，睇嚟係爲代言慨酒店拍廣告。相中仲見到渠攬實羅蘭，應該系一齊拍攝，場面相當之溫馨。除咗羅蘭姐，碧鹹仲有同一班大媽合照，大媽們都表現興奮。

除咗拍攝，都見到渠影咗好多名勝，例如觀音像、天主堂咁，又去咗食葡撻，完全系寄工作於娛樂。羅蘭姐今日接訪問，渠啱啱先至喺澳門搭船返香港啱，講到萬人迷碧鹹喺ig貼咗合照，羅蘭姐話：「我同渠拍金沙集團慨廣告，我第一次同外國人拍嘢，估唔到第一次就同個咁大粒喎，我都好開心興奮架。佢好靚仔，我睇番渠以前啲相，覺得冇須嗰陣仲靚仔㖭。

我叫渠同我影張相籤個名，渠即刻話冇問題，好親切，好nice，完全冇架子。」咁碧鹹知唔知你係演員？羅蘭姐話：「渠知，連個外國導演都知，有幾個short個導演仲叫我扮龍婆㖭呀。」

講番今次呢個廣告，羅蘭話：「個故仔系講渠喺澳門條街度比啲壞人同記者追，我見到就叫埋匿入我間屋度避，仲請渠食葡撻㖭，跟住同渠熟咗。事隔10幾年之後，渠再去澳門，想食葡撻，但食唔番以前我整嗰啲味道。渠一路想搵番我，但搵唔到，後來渠搵到我揸的士個孫仔，孫仔就帶渠去我屋企搵我，我同渠講我開咗間葡撻慨鋪頭喺個商場度，跟住我就帶渠去我鋪頭食葡撻囉。」

羅蘭姐話渠24號過澳門拍咗3日，今日先返香港，原本以爲拍外景時會落雨，點知天公美冇落雨，拍攝過程亦好順利，大家冇乜NG，羅蘭姐話葡「原本我哋預計昨晚要通宵，點知拍到凌晨點兩點已經搞掂。」酬勞方面點？佢話：「冇乜特別，都系平常收嗰啲。」