失婚裕美：拍拖成瘾要睇医生

入行多年嘅裕美，事业发展平平，但系佢嘅私生活就够晒多姿多彩，不甘寂寞要拖接拖咁拍，拍到连佢自己都讲：「拍到自己都觉得有问题，要去睇心理医生。」裕美嘅感情史好多，连佢自己都话：「你要数，数一个节目都数唔晒！」

追溯到佢啱啱入行时，E Kids嘅阮民安系佢男朋友，唔知佢哋仲有冇联络呢？「有呀，但唔系经常嘅，因为佢之前举行演唱会，我有见过佢彩排。

好好呀，都好戥佢开心，而家有小朋友。」裕美咁锺意拍拖，系咪因为事业失意，要揾啲寄托？

她说：「我觉得同事业无关，由细到大都好锺意拍拖，从小第一个志愿就系建立家庭，然后至系唱歌。可能因为我系单亲家庭，每个人对单亲家庭嘅概念都唔同，有啲可能会唔再相信婚姻，有啲会觉得无咩分别，我自己就好渴望，因为觉得自己无嘛，好想自己建立一个完整嘅，所以好想拍拖。其实有段时间拍到自己都觉得有问题，要去睇心理医生，我话唔知点解，一定要不断拍拖。」

13年，裕美与林恩浩闪婚，不过3年后婚变，同时被爆与黄子恒出轨，事后裕美先同林恩浩离婚。唔知裕美认为当时同黄子恒一齐，系唔系选择错误？

「我觉得同黄子恒只能够讲timing唔啱，同埋我经常觉得，啱嘅人一定唔会喺错嘅时间出现，所以我唔系好相信话喺错嘅时间遇到啱嘅人，我唔系好相信，因为我经常觉得生命系有安排嘅。

黄子恒出现后，与前夫离婚，静咗近一年后，再同老外拍拖，拍咗2年又分手，原因系咩呢？裕美说：「停咗一年之后遇到外籍男友，本身系锺意外国人嘅，𠮶次系第一次同外国人拍拖，自己都无谂过，都几好嘅，不过有啲地方……我嘅好朋友都系同外国人一齐，佢最初同我讲嘅我都唔明，不过自从同外国人一齐之后，同𠮶位好朋友就好似做咗妈妈之后，讲嘢都好有共鸣。」

.................................................................................................................................................................

┃来源：香港娱乐台