美少女戰士扭蛋系列又更新!今次係變身器同筆!||粵語文章
美少女戰士每年嘅周邊
都會出好多好多
粉絲好似都未停過買買買
美少女戰士嘅扭蛋小物
之前都分享過好多
今次又有新品登場啦!
前兩日先上架
今次呢款絕對新鮮
就係
《美少女戰士經典變身道具扭蛋》
依家喺日本各大扭蛋機聚集嘅地方
基本都已經有得扭
網上見到唔少粉絲已經get咗
今次嘅新系列
同樣係以最受歡迎嘅
變身器爲主題款式
一共有四種
分別係水手月亮變身胸針、
幻之銀水晶、星空音樂盒、
同埋要自己組裝嘅變裝筆
基本上size都差唔多
大細喺6.5公分左右
除咗變裝筆有14.5公分高
唔使擔心變裝筆無地方擺
專門仲附送咗一個底座
可以俾你放喺檯面展示
變身器就係一般手掌咁大
其實之前都曾經
有變身筆嘅周邊出過
《美少女戰士變身筆》
五支係一組
今次呢款望上去其實差唔多
不過新款嘅變身盒
係可以打開噶!!!
入面仲有指甲油嘅玩具
今次嘅周邊
你覺得點?