被譽爲TVB林峯接班人，如今復出盼涅槃重生

由明日之星變閒角

或者你會覺得梁證嘉這位演員熟口熟面，之前好像有一段長時間常常在TVB中看到他的身影。

他曾經在校園劇《尖子攻略》（2008）中與羅仲謙、梁烈唯齊齊做運動健將，又在《巾幗梟雄》（2009）中飾演敖嘉年、吳卓羲細佬「蔣必武」，更在《天與地》（2011）中與楊潮凱、羅鈞滿在天山上分食被他殺死的「家明」張景淳。雖然愈來愈多機會的梁證嘉在《天與地》中的演出頗爲亮眼，算是有「明日之星」的氣勢，但之後卻是無以爲繼，僅在劇集中飾演一些發揮機會缺缺的閒角，年幾兩年前更開始在TVB絕跡，所以他在《愛‧回家之開心速遞》中復出，都令部分觀衆感到出奇。

《巾幗梟雄》

《天與地》

談到梁證嘉似乎絕跡香港多時，他坦言最近一年的確是在內地發展演藝事業，問內地拍劇、拍戲是否比起香港好搵？他說：「喺國內拍嘢系比起公司賺得得，但我唔系因爲片酬多先去國內做嘢，系因爲表演空間、機會都多啲，多啲機會、多啲磨練永遠系開心過多啲片酬，演技唔會因爲多啲錢而改進。（多幾多？）具體數字唔講啦！（即繫有同樣嘅工作機會，你首選都系TVB？）冇錯，始終系兩個平臺嚟，我喺國內拍咗幾多嘢，香港嘅觀衆都未必知你怕咗咩，我喺香港出世香港大，系我自己地方，香港永遠都系首選。不過，國內嘅團隊繫好認真、好肯付出，有啲導演、監製會自掏腰包拍嘢，純粹系想件事再好多啲。」

直認性格不進取

拒絕減肥遭減戲份

講到梁證嘉之前經常爲重頭劇演出，在《巾幗梟雄》、《天與地》中頗有發揮，看來似是TVB力捧的新血，但之後卻是後繼無力，他在訪問中講出箇中因由：「好似拍《巾幗》時，大家都好錫我，卓羲、嘉年、雯女（鄧萃雯）同華哥（嶽華）都好照顧我，凡事都提點我，令我冇乜壓力，加上我自己本身都唔繫好進取嘅人，所以由公司好肯畀好角色我做，到公司唔再畀，我確實繫有啲灰。」

問是否發生過特別事情，令其穩步上揚的事業變得急轉直下，梁證嘉坦言一切與其心態有關：「以前我以爲機會系自動會有，拍完一套劇時，等下就會有第二套可以做，而我喺中間嘅時間從來冇好好裝備自己，當正放假咁，好放肆咁食嘢，搞到個人好肥，個人脹咗。當時珍姐、樂小姐好錫我，好心搵我傾偈勸我減肥、Keep Fit，因爲變肥咗上鏡唔好睇，但系我冇理到，以爲呢個問題唔嚴重。」直至他接得愈來愈少戲，角色愈來愈次要，他才意識到這種不思進取的想法是問題根源：「其實我待人處事都有好多嘅不足，我一讀完書就入行（2006年讀第20期TVB藝訓班），唔多識講嘢，有記者問嘢又唔識答，就算有諗法都唔知點表達。」

不知要過怎樣的人生

母親代交藝訓班表格

梁證嘉由經理人合約轉到基本藝員合約，「灰爆」的他把心一橫任性一番，先後到迪斯尼樂園和海洋公園工作，一圓小時候的夢想：「因爲由細到大好鍾意迪斯尼嘅動畫，所以我去咗迪斯尼度做演員，做咗唔繫好耐，我又因爲好鍾意動物，膽粗粗去做見海洋公園嘅動物訓練員，當時我同主管講我的確系咩都唔識，但系我會好畀心機去學，因爲我唔想再好似之前做演員咁成日驚冇戲拍，最後佢哋真系請咗我，我當時真繫好開心，因爲呢件事系我細細個就想追求嘅嘢，另一樣嘢就係做警察，但我未考警察之前，我媽咪就已經偷偷哋幫我遞表去藝訓班。」

雖然，照顧動物是梁證嘉的兒時夢想，但小男孩總會長大，他漸漸發現自己眼前的工作，其實並非他最愛的工作，演戲纔是人生最重要的事，有如那些年的胡楓，他原本有口吃，但到了幕前演戲，有如另一人上身：「原來真繫好鍾意做演員，做演員令我更加有自信，有種感覺就係好似修哥（胡楓）咁，一做戲就好似另一個人咁，好似有另一個人生。」

經黃柏文認識監製廖志強

或者上天聽到梁證嘉的心聲，他經前輩黃柏文介紹下獲得監製廖志強邀請到內地拍劇：「強哥好肯畀機會我，佢絕對系一個好爸爸，當時我幫修哥（李修賢）公司拍嘢，佢都成日提住我要努力。」跌過的他懂得珍惜，知道不可以再錯過眼前的機會，所以他比起其他人更爲努力，連續接拍7、8套未計客串演出的電影、劇集：「我諗返起嘉年當年同我講，公司好難得咁畀機會我，我要好好珍惜，我當時唔明，但而家明白曬，團火就慢慢喺工作當中撻返着，我而家敢講我係好愛我自己嘅工作。」

據悉在監製廖志強的大力提撥下，梁證嘉先後參與了《奪命追兇》與《夜伴情人》的拍攝，並在劇中都擔任了主角，並由不俗的發揮。

《奪命追兇》