湯洛雯昨日爲無綫新劇《一笑渡凡間》開工，劇中飾演捕快的湯洛雯罕有地以一身女妝示人，她說：“今日真系千載難逢，成套劇都系男人婆嚟，剩系得呢個女仔look，講我畀人捉去扮靚，然後畀蕭正楠撞到，眼前一亮。”

湯洛雯早前被爆買逾四千萬豪宅，即時成爲圈中“筍盤”，她笑說：“單身啫，唔敢當，其實都系同屋企人住，屋企人先系筍盤，唔繫有家底，我都要供樓。不過，因爲開工所以都冇時間去識人系真嘅。（去參加船P識人？）我唔曬得，開外景已經由朝曬到晚，放假我都系喺屋企瞓覺，繼續做宅女，緣分就等佢漂嚟啦，哈哈。（搵個筍盤幫手供樓？）話搵就搵咩，不過依家大部分人都遲婚，寧願搵到啱嘅人，都唔想離婚，結得婚就一生一世。（父母有冇催婚？）冇，不過我阿媽好驚我未結婚就有BB，由十幾歲已經講到依家三十幾歲，叫我哋唔好蝕底，哈哈。”