10年愛情夭折！方力申對鄧麗欣未忘情，情書CD鎖夾萬！

方力申與鄧麗欣（Stephy）的10年愛情長跑，隨着一句“對不起，讓大家失望”而作結，分手後，Stephy不止一次在人前落淚，而小方則揹負“花弗”之名。事過境遷，自詡對感情忠誠的小方透露，夾萬收藏了很多紀念卡，甚至某人的CD，衆多舊愛中誰是“我的最愛”，隨着這些珍而重之的舊物呼之欲出！

有“飛魚王子”美譽的方力申，由退役泳手成爲藝人，入行20年來既拍戲又唱歌，甚至主持都做過，他昨日在某節目中暢談演藝事業，他笑說：“我冇乜低潮過，因爲我發覺我冇高潮時候！”他承認由葉念琛執導、與Stephy主演的愛情繫列電影，令他登上事業高峯，但他說：“可唔可以再好啲？我覺得都可以再高啲嘅。”

小方入行後最爲人熟悉的，一定是與Stephy的“童話故事”，當年一對金童玉女於2016年宣佈10年情玩完，如今Stephy亦已情歸臺灣藝人“王子”邱勝翊，小方說：“啲人話我花弗，我都唔明我點花弗！我同一個人拍拖10年，憑乜嘢話我花弗！人生中約會過嘅女仔，一隻手都數得曬。”

每段情都“明愛暗戀”，小方解釋有苦衷：“其實我識唔到女仔，細細個游水，家長仲多過狗仔隊。到我入行，系狗仔隊最勁嘅時候，根本就地下情到不得了，一路慣咗低調，好驚人哋見到。”如何對女友“補償”？他說：“可能我唔識做啲好浪漫、製造啲好Sweet嘅嘢畀個女仔，我唯一做到嘅嘢，就係對感情忠誠。”

除了專一，原來小方亦非常長情，他透露家中夾萬內沒貴重物品：“多數都系私人感情嘅嘢，聖誕卡、情人節卡、生日卡、週年卡……3週年、5週年、7週年。（有冇收藏自己嘅處男作《就是這麼愛你》？）梗系冇啦！我嘅CD使乜啫！人哋嘅CD就有，梗系嗰個啦！仲有邊個啫！”他亦有收藏NBA球星的簽名物品，包括“籃球之神”米高佐敦（Michael Jordan）及今年初意外喪命的高比拜仁（Kobe Bryant），當中米高於1986年新人時期的Rookie卡，由購入時的3、4萬元升值至現時約16萬元。

與Stephy情盡，有傳是因小方拍拖10年來從未求婚，他澄清純屬誤會：“從未有女朋友同我傾過結婚同生B問題，當一個男仔同女仔拍拖長時間但又分開時，一定系話個男仔唔想結婚。”雖然沒有女友恨嫁給他，但他仍信心十足說：“將來一定會完成結婚人生大事！”對於小方至今仍珍藏她的物品，未知Stephy聽到有何反應？可惜截稿前她未有回覆。轉自看港劇