結婚4週年！楊怡曬咀嘴合照閃親湯洛雯

今年4月誕下囡囡小珍珠嘅楊怡，有女萬事足，不過佢都冇唔記得佢同老公羅仲謙嘅大日子！佢喺社交網大放閃光彈，上載兩人從未曝光嘅咀嘴Sweet爆合照，原來昨日系佢哋結婚4週年：“2017年的今天，我們身處布拉格，度過了第一個結婚週年❤️2020年的今天，你有你的工作，我有我忙碌（湊女），雖然平淡，但卻充實⋯⋯感謝緣分讓我們遇見彼此！”影到呢個咁自然嘅一刻，系全靠袁偉豪，楊怡都感謝對方：“不得不提這張照片的幕後功臣，新一代年青有爲的攝影師， 謝謝你爲我們記錄了美好的時刻❤️”蜜運中嘅湯洛雯（靚湯）都留言大讚“Too sweet… 暈咗”，不過中秋節佢就未能同男友馬國明度過，事關男方要忙拍新劇《兒科醫生》，好Lonely嘅靚湯就要用電話玩燈籠賞月，網民都乘機問佢幾時到佢哋拉埋天窗呀！結婚紀念日要開工 羅仲謙準備神祕驚喜凼楊怡

10月2日正是羅仲謙與楊怡的結婚紀念，但撞正老公要拍劇，楊怡受訪時坦言不太着重儀式，於中秋節喫飯便當慶祝了，而羅仲謙則表示自女兒“小珍珠”出世後，對所有節日的感覺都有所不同：“今年系第一個一家三口過嘅中秋節，希望圓圓滿滿。”至於結婚紀念日，他表示：“我都有準備驚喜同小禮物畀太太，不過因爲一朝早要開工拍《兒科醫生》，都希望早啲拍完返屋企同太太sweet sweet嚇。”轉自看港劇