關智斌（Kenny）和顏卓靈（Cherry） 去年10月拍攝電影《任性的你》，可惜電影最終缺水埋唔到尾。電影復工無期，令二人十分失望，但同時亦令他們成爲好友。

早前見到二人在深水埗一間專賣精品的店鋪拍攝MV。當日中午約12時，只見Kenny和Cherry未埋位前雞啄唔斷好好傾，但到拍攝時即投入角色。拍了個多小時後導演才放break，本身喜愛收集家居精品的Kenny，即趁機在鋪頭觀摩一番，他尤其對香薰蠟燭份外鍾情，還不停將不同香味的蠟燭拿上手聞，而顏卓靈亦照辦煮碗有樣學樣，不過他們最終都冇幫襯。

由於當日陽光普照，室外內溫差頗大，Kenny寧願留在鋪內嘆冷氣，相反，顏卓靈就冒着炎熱天氣，走到店外逗店主的貓咪玩，更擺pose叫工作人員爲她和貓咪影相。

其實Cherry今次仗義爲Kenny的新歌MV擔任女主角，由於新歌以故事形式去表達，Kenny即時諗起對方，日前他接受訪問時，就趁機大讚Cherry演技好。「要拍MV，我就諗一定要搵一個演戲好慨，因爲入面有好多唔同情緒要表達，而今次MV畫面亦都想畀人有日系感覺，於是就諗起渠。」而獲邀的Cherry亦爽快答應。據知MV因爲冇劇本，只靠二人即場發揮jam出來，Kenny透露：「例如有一場鬧交戲，就係我哋臨場發揮，拍完慨時候我真繫好開心，好彩搵佢拍，大家好有默契到位，基本上兩、三take已經jam到好好慨效果。」