摘要：陳凱琳在情人節誕下兒子鄭承悅（Rafael），令今天母親節有雙重意義，到自己湊B更覺媽媽偉大，她說：“第一個母親節自己都系媽媽，感觸好大，由BB出世開始，人生都改變，冇諗過喺事業開始嘅階段結婚、生仔，但感覺比以前更加幸福。同是港姐出身、各有視帝老公的單文柔（Phoebe）與陳凱琳（Grace）今年齊齊“升呢”，首度以靚媽身份過母親節，提起“心肝碇”兩人均冧到爆，Phoebe更親筆寫信給長大後的“小豬比”，又大談湊女烏龍事，掃風時不小心叉親囡囡條頸，呼吸困難而嚇親。

同是港姐出身、各有視帝老公的單文柔（Phoebe）與陳凱琳（Grace）今年齊齊“升呢”，首度以靚媽身份過母親節，提起“心肝碇”兩人均冧到爆，Phoebe更親筆寫信給長大後的“小豬比”，又大談湊女烏龍事，掃風時不小心叉親囡囡條頸，呼吸困難而嚇親！有仔萬事足的Grace，則指會承傳媽咪的愛心廚藝，讓兒子食得健康！

陳凱琳在情人節誕下兒子鄭承悅（Rafael），令今天母親節有雙重意義，到自己湊B更覺媽媽偉大，她說：“第一個母親節自己都系媽媽，感觸好大，由BB出世開始，人生都改變，冇諗過喺事業開始嘅階段結婚、生仔，但感覺比以前更加幸福。”

不辭勞苦餵母乳

“小嘉穎”的出現令整個家庭充滿生氣及溫馨氣氛，更勾起小時候媽媽不辭勞苦的愛護，

Grace說：“喺加拿大媽咪放低咗工作，做全職家庭主婦，最記得佢每日都會特登煮啲熱辣辣嘅飯餸放喺學校儲物櫃，等我哋日日都有熱辣辣嘅午餐食，仲有每日接送返學、放學。”她坦言會承傳媽媽給兒子最好的營養，故現時會堅持喂人奶，到BB長大亦會親手煮一些好味道的食物，讓BB快高長大。

愧令媽咪受委屈

陳凱琳成長時有精乖、也有百厭的時候，到做了人母更明白到媽咪實在受了不少冤屈，加倍感受到媽媽的耐性及愛心，並以她爲榜樣：“冇媽咪嘅支持同鼓勵，我都未必仲喺娛樂圈。依家媽咪成日嚟探B，有時見我好攰，會叫我去瞓幫我睇B，真繫好偉大。”

爲答謝母親，日前陳凱琳撇下囝囝，提前與家姐、孖生細佬Derek及父母往紅磡酒店嘆自助餐慶祝母親節。席上陳凱琳不時與母親合照，極爲溫馨。陳凱琳往洗手間時，細佬Derek全程護駕，衆人最終逗留約兩小時才埋單離開。