俄羅斯世界盃正式進入開幕倒數階段，一衆球迷當然非常期待呢一個四年一度嘅足球最高盛會啦！每一屆世界盃嘅主辦國家都會吸引世界各地球迷前往，現場睇比賽，所以當地酒店價錢一定水漲船高。俄羅斯亦唔例外，而且有唔少仲開天殺價，叫價仲貴過杜拜帆船酒店？坐地起價系嚴重影響一個國家嘅聲譽，有見及此，俄羅斯旅遊局都急急出左一份公開黑名單，列明邊啲酒店有坐地起價問題，而且嚴格規定每星級嘅酒店價錢，不能貴於某個定價。例如3星級酒店，每晚最多隻能收200美元；而1星級酒店，則只能收38美元。但實際上系點？唔少記者都喺訂酒店網站搵過，好多酒店嘅價錢完全不依政府規定，甚至超收成5,283%！大家如果今年去俄羅斯睇波，而又仲未訂酒店，真系自己小心喇以免成爲一大水魚喇！