新一辑《锋味前奏》前晚在ViuTV播出，一如以往，主理人谢霆锋每集都会教大家煮一道菜、火火任主持，不过今次仲有新加入摄影师刘翁（Sunny Lau）客席主持。第一集，霆锋就教大家煮「红酒炆牛肋骨」。

首先，霆锋将预备的牛肋骨上粉，企侧边的火火就问有乜可以帮手，霆锋话：「麻烦你帮我将粉拍上去。」呢个时候，火火睩大对眼面有难色，原来佢唔知乜系「拍粉」，霆锋就笑住话：「即系将牛肋骨印到渠白晒。」火火即刻恍然大悟。而火火拍紧粉的时候，霆锋煮一个芡汁，「呢个底法餐之中系最常见的，叫mirica，有西芹、红萝卜同埋洋葱。」

霆锋煮紧的时候，火火就趁机问渠来紧三月十七日「演唱会」详情，刘翁即刻代答：「系呀系呀，张海报系我影。」之后霆锋就解释呢个唔系佢个人演唱会，「系音乐会，仲有好多其他人，唔系净系得我一个，我自己会有六至七只歌，但系其他乐队都有好多歌。」

火火又问到系咪会出cook book，霆锋就话要花好多时间，因为唔想求求其其，「中餐最大镬就系盐少许、跟住又糖适量，咁点算呢？如果我真系要做，我唔希望系『少许』同『适量』，系真系要磅出来。」刘翁就话做cook book唔同影写真，霆锋表示认同，「我们的『皱』咪去洗个面、补个妆、整个头咪OK啰，你一碗白饭，佢唔出烟，你点拍渠都唔好食！」