新一輯《鋒味前奏》前晚在ViuTV播出，一如以往，主理人謝霆鋒每集都會教大家煮一道菜、火火任主持，不過今次仲有新加入攝影師劉翁（Sunny Lau）客席主持。第一集，霆鋒就教大家煮「紅酒炆牛肋骨」。

首先，霆鋒將預備的牛肋骨上粉，企側邊的火火就問有乜可以幫手，霆鋒話：「麻煩你幫我將粉拍上去。」呢個時候，火火睩大對眼面有難色，原來佢唔知乜系「拍粉」，霆鋒就笑住話：「即系將牛肋骨印到渠白曬。」火火即刻恍然大悟。而火火拍緊粉的時候，霆鋒煮一個芡汁，「呢個底法餐之中系最常見的，叫mirica，有西芹、紅蘿蔔同埋洋蔥。」

霆鋒煮緊的時候，火火就趁機問渠來緊三月十七日「演唱會」詳情，劉翁即刻代答：「系呀系呀，張海報系我影。」之後霆鋒就解釋呢個唔系佢個人演唱會，「系音樂會，仲有好多其他人，唔系淨系得我一個，我自己會有六至七隻歌，但系其他樂隊都有好多歌。」

火火又問到系咪會出cook book，霆鋒就話要花好多時間，因爲唔想求求其其，「中餐最大鑊就係鹽少許、跟住又糖適量，咁點算呢？如果我真系要做，我唔希望系『少許』同『適量』，系真系要磅出來。」劉翁就話做cook book唔同影寫真，霆鋒表示認同，「我們的『皺』咪去洗個面、補個妝、整個頭咪OK囉，你一碗白飯，佢唔出煙，你點拍渠都唔好食！」