被誉为TVB林峯接班人，如今复出盼涅槃重生

由明日之星变闲角

或者你会觉得梁证嘉这位演员熟口熟面，之前好像有一段长时间常常在TVB中看到他的身影。

他曾经在校园剧《尖子攻略》（2008）中与罗仲谦、梁烈唯齐齐做运动健将，又在《巾帼枭雄》（2009）中饰演敖嘉年、吴卓羲细佬「蒋必武」，更在《天与地》（2011）中与杨潮凯、罗钧满在天山上分食被他杀死的「家明」张景淳。虽然愈来愈多机会的梁证嘉在《天与地》中的演出颇为亮眼，算是有「明日之星」的气势，但之后却是无以为继，仅在剧集中饰演一些发挥机会缺缺的闲角，年几两年前更开始在TVB绝迹，所以他在《爱‧回家之开心速递》中复出，都令部分观众感到出奇。

《巾帼枭雄》

《天与地》

谈到梁证嘉似乎绝迹香港多时，他坦言最近一年的确是在内地发展演艺事业，问内地拍剧、拍戏是否比起香港好搵？他说：「喺国内拍嘢系比起公司赚得得，但我唔系因为片酬多先去国内做嘢，系因为表演空间、机会都多啲，多啲机会、多啲磨练永远系开心过多啲片酬，演技唔会因为多啲钱而改进。（多几多？）具体数字唔讲啦！（即系有同样嘅工作机会，你首选都系TVB？）冇错，始终系两个平台嚟，我喺国内拍咗几多嘢，香港嘅观众都未必知你怕咗咩，我喺香港出世香港大，系我自己地方，香港永远都系首选。不过，国内嘅团队系好认真、好肯付出，有啲导演、监制会自掏腰包拍嘢，纯粹系想件事再好多啲。」

直认性格不进取

拒绝减肥遭减戏份

讲到梁证嘉之前经常为重头剧演出，在《巾帼枭雄》、《天与地》中颇有发挥，看来似是TVB力捧的新血，但之后却是后继无力，他在访问中讲出箇中因由：「好似拍《巾帼》时，大家都好锡我，卓羲、嘉年、雯女（邓萃雯）同华哥（岳华）都好照顾我，凡事都提点我，令我冇乜压力，加上我自己本身都唔系好进取嘅人，所以由公司好肯畀好角色我做，到公司唔再畀，我确实系有啲灰。」

问是否发生过特别事情，令其稳步上扬的事业变得急转直下，梁证嘉坦言一切与其心态有关：「以前我以为机会系自动会有，拍完一套剧时，等下就会有第二套可以做，而我喺中间嘅时间从来冇好好装备自己，当正放假咁，好放肆咁食嘢，搞到个人好肥，个人胀咗。当时珍姐、乐小姐好锡我，好心搵我倾偈劝我减肥、Keep Fit，因为变肥咗上镜唔好睇，但系我冇理到，以为呢个问题唔严重。」直至他接得愈来愈少戏，角色愈来愈次要，他才意识到这种不思进取的想法是问题根源：「其实我待人处事都有好多嘅不足，我一读完书就入行（2006年读第20期TVB艺训班），唔多识讲嘢，有记者问嘢又唔识答，就算有谂法都唔知点表达。」

不知要过怎样的人生

母亲代交艺训班表格

梁证嘉由经理人合约转到基本艺员合约，「灰爆」的他把心一横任性一番，先后到迪斯尼乐园和海洋公园工作，一圆小时候的梦想：「因为由细到大好锺意迪斯尼嘅动画，所以我去咗迪斯尼度做演员，做咗唔系好耐，我又因为好锺意动物，胆粗粗去做见海洋公园嘅动物训练员，当时我同主管讲我的确系咩都唔识，但系我会好畀心机去学，因为我唔想再好似之前做演员咁成日惊冇戏拍，最后佢哋真系请咗我，我当时真系好开心，因为呢件事系我细细个就想追求嘅嘢，另一样嘢就系做警察，但我未考警察之前，我妈咪就已经偷偷哋帮我递表去艺训班。」

虽然，照顾动物是梁证嘉的儿时梦想，但小男孩总会长大，他渐渐发现自己眼前的工作，其实并非他最爱的工作，演戏才是人生最重要的事，有如那些年的胡枫，他原本有口吃，但到了幕前演戏，有如另一人上身：「原来真系好锺意做演员，做演员令我更加有自信，有种感觉就系好似修哥（胡枫）咁，一做戏就好似另一个人咁，好似有另一个人生。」

经黄柏文认识监制廖志强

或者上天听到梁证嘉的心声，他经前辈黄柏文介绍下获得监制廖志强邀请到内地拍剧：「强哥好肯畀机会我，佢绝对系一个好爸爸，当时我帮修哥（李修贤）公司拍嘢，佢都成日提住我要努力。」跌过的他懂得珍惜，知道不可以再错过眼前的机会，所以他比起其他人更为努力，连续接拍7、8套未计客串演出的电影、剧集：「我谂返起嘉年当年同我讲，公司好难得咁畀机会我，我要好好珍惜，我当时唔明，但而家明白晒，团火就慢慢喺工作当中挞返着，我而家敢讲我系好爱我自己嘅工作。」

据悉在监制廖志强的大力提拨下，梁证嘉先后参与了《夺命追凶》与《夜伴情人》的拍摄，并在剧中都担任了主角，并由不俗的发挥。

《夺命追凶》