*這是一篇主觀性極強的檸檬茶味道評價，請理性對待，歡迎客觀留言。

7月的廣州熱到在空調房裏挪不開腳，在外面站幾分鐘就成身“黐立立”。這個時候，我通常會來一杯凍檸茶，因爲味道夠fresh！加冰又夠曬爽！

喺上一期嘅凍檸茶測評之中，好開心見到大家都非常積極踊躍表達自己嘅睇法同推薦更多檸茶品牌，所以我哋決定再接再厲，自我完善測評版塊，然後今次選出10+間用心做檸茶嘅店鋪，實地消費試飲，爲大家帶來檸檬茶測評2.0！

劃重點

01

檸檬茶品牌選擇

02

檸檬茶測評尺度

03

檸檬茶測試經過

04

檸檬茶測評結果

05

Final偏好結果推薦

01// 檸檬茶品牌選擇

今次我哋挑選的品牌都是同上一期檸檬茶推送完全不同的品牌。部分是在朋友圈很多人打卡的店鋪，部分是來自熱心網友推薦的店鋪。

品牌樣取樣如下：ORDER檸檬茶、流浪檸檬茶、吳小茶、大槌檸檬茶、食糊、紛享Sharein、丘大叔、黃小姐、扭扭擰擰、賞飲。

02//檸檬茶評測尺度

我地從製作過程、茶濃度、甜酸程度、整體感覺以及性價比幾個主要維度進行測評。除此之外，汲取上一次測評經驗，我地更加細緻觀察製作過程同出品，盡最大努力將各種因素都納入客觀嘅測評範圍。

a.

茶濃度（1-5星）

檸檬茶誘人嘅地方在於濃、澀、順滑三者之間的平衡感，無茶味嘅檸檬茶都系耍流氓，只能系茶色嘅檸水。

b.

甜酸度（1-5星）

過甜或過酸，直接影響檸檬茶出品，所以要做到酸甜比例恰到好處，既能清爽醒神，又能借口渴更解體渴，呢一項唔簡單。

c.

整體感覺（1-5星）

茶味和檸檬需要相輔相成之餘，而出品的製作手法和速度都同體驗感的打分準則之一。

d.

性價比（1-5星）

性價比，除了提供價格/毫升參考，也代表味道、容量以及價格三者之間的匹配度。

03// 檸檬茶測試經過

爲了作出較客觀的評價，我們團隊進行匿名購買，購買的檸檬茶大部分都系最多人買嘅檸檬茶或者店鋪招牌檸檬茶。

※

凍檸茶，正常冰，正常糖

好，主觀口味偏好測評結果出爐，以下測評順序不分先後，以評分爲準。

04// 檸檬茶測評結果

ORDER檸檬茶

a.茶濃度（3星）：有茶色但系茶味偏淡。

b.甜酸度（4星）：入口偏酸，可能因爲在製作過程中捶打檸檬過於用力，同茶嘅濃度沒有做到一個好好嘅平衡。

c.整體感覺（3星半）：可能因爲我哋團隊探店的時候剛到開門時間，所以檸檬茶嘅製作時間稍爲耐左啲。入口之後除左偏酸還感覺檸檬茶不夠fresh，有一啲冰紅茶飲料嘅味道。

d.性價比（3星半）：RMB13/500ml，order檸檬茶嘅價格還是很親民的，希望口味方面可以再提升一下，夏天的檸檬茶要夠fresh先夠cool。

地址：

江南大道中隔山新街A9店(江南商業街)

流浪檸檬茶

a.茶濃度（4星）：有茶色茶味，一開始入口沒茶澀，五分鐘後開始有茶澀。

b.甜酸度（4星）：入口小小偏甜，建議少甜，加左多啲檸檬汁之後味道好ok，有來自於兩種檸檬嘅清甜，很新鮮嘅味道，炎熱夏天降溫神器。

c.整體感覺（4星）：飲流浪檸檬茶就好似上癮甘，好快半杯落肚，入口新鮮清涼，一杯夏天很推薦的檸檬茶。

d.性價比（4星）：RMB13/500ml，性價較高。

地址：

江南大道中與江南西路交叉口西南50米

吳小茶

吳小茶有趣嘅系可以根據顧客嘅喜愛偏好提供茶味偏濃或者口味偏酸的飲品。所以我哋團隊選擇了酸度最高嘅小清新檸檬紅茶同埋茶濃度最嘅的吳小檸檬紅茶。

小清新檸檬紅茶：

a.茶濃度（3星半）：使用斯里蘭卡茶葉做茶底，可能因爲這杯飲品更側重於酸度所以茶味偏淡。

b.甜酸度（4星）：甜度適中，酸度較高。喜愛酸一點的朋友更合口味。

c.整體感覺（4星）：擠壓了成只檸檬，檸檬味好足，入口有小小酸。但系擠壓的時候可能壓到左檸檬皮，所以檸檬茶裏邊有小小檸檬皮的澀味。

d.性價比（4星）：RMB18/500ml，性價比較適中。

吳小檸檬紅茶：

a.茶濃度（4星半）：使用正山小種茶葉做茶底，茶味好濃，系喜愛廣式檸檬茶朋友嘅type。

b.甜酸度（4星）：甜酸度適中，爲了主打茶嘅濃度，檸檬味適當冇甘突出。

c.整體感覺（4星）：無論從外觀定系味道，茶濃都系衣杯檸檬茶嘅亮點，入口之後脣齒之間留有茶味。

d.性價比（4星）：RMB18/500ml，性價比較較高。

地址：

天河南步行街六運二街四號103

(天環廣場對面；天河南步行街牌坊右手邊第一條巷子走進70米)

大槌檸檬茶

a.茶濃度（3星）：茶味偏淡。

b.甜酸度（3星）：酸甜度偏淡。儘管有捶打檸檬的過程，但系檸檬味還是差小小。

c.整體感覺（3星）：這一款檸茶整體口味偏淡，除左檸檬味同埋茶味之外，有種難以形容嘅味道

d.性價比（2星半）： RMB12／500ml，價格很親民，環境都好唔錯，如果茶嘅出品可以提升一點會更好。

地址：

天河南一路六運一街21號(串游後面)

食糊

a.茶濃度（4星）：茶味偏濃，巖中意飲廣式檸檬茶嘅朋友。

b.甜酸度（3星半）：口味偏甜。特別嘅是別家檸檬茶都是檸檬片，食糊系檸檬塊。

c.整體感覺（4星）：可以話系夏天喫茶餐廳時嘅伴侶飲品，系一杯會飲第二次嘅檸檬茶。

d.性價比（4星）：RMB15/400ml，一種size，性價比較高。

地址：

體育東路29號(天河郵局公交車站體育西地鐵站B岀口向東走)

紛享Sharein

a.茶濃度（4星）：茶味適中，符合大部分人對茶濃度嘅要求。

b.甜酸度（4星）：酸甜度適中。檸檬茶小哥好落力捶打檸檬，一杯檸檬茶落足成只檸檬。

c.整體感覺（4星）：入口非常清爽，飲一口就想叫一句：cool~系我哋自己比較中意嘅，會專程去買嘅一杯檸檬茶。入口好滑，除左冇地方坐低沒有別的缺點。

d.性價比（4星半）：RMB18/500ml，性價比較高。

地址：

建設六馬路青菜崗55號樓底商（小炳勝對面）

丘大叔

a.茶濃度（3星半）：茶味道偏淡。

b.甜酸度（3星）：口味偏酸。薄切檸檬數量好多！店員會先捶打青檸、再加入黃檸繼續捶，但亦因爲咁而令檸檬皮酸澀味道有點突出。

c.整體感覺（3星半）：首先檸檬數量感人，店員亦用心按克數稱用檸檬品種分次捶，出品前試兩次味，現喝的話還是很快感覺酸澀。

d.性價比（3星）：RMB19/700ml，我地去嘅系新店，門口有小位置幾個，店員表示外賣時會幫客人“飛”檸檬以減少酸度，但現喝要專門提出纔會“飛”檸檬。

地址：

五羊新城寺右新馬路81號

廈滘南路啓夢創業廣場一樓中庭(廈滘地鐵B出口對面)

市橋鑽匯廣場東一門D601、D602(水沐蓮清隔壁)

黃小姐

a. 茶濃度（4星）：很有茶味，茶色亦比較濃厚。

b.甜酸度（3星半）：酸甜度方面略微偏甜，即使店員好用力捶打檸檬亦唔會過酸。

c.整體感覺（4星）： 茶味很夠，檸檬茶使用單一的黃檸檬進行捶打，飲完有點澀但會回甘，比較解渴。

d.性價比（4星）：RMB13/500ml，一種size的出品，店員服務很好，在下單時會主動諮詢是否需要增減糖分和冰量，按呢個味道和出品，可以路過買上一杯。

地址：

越秀區百靈路2號(陶陶記旁)

扭扭擰擰

a.茶濃度（3星）：茶色濃，但茶味偏淡。

b.甜酸度（4星）：酸甜度很適中，店員捶檸檬是“無聲作業”，而檸檬片比粗放型的較薄。

c.整體感覺（4星）：很適合搭配街頭小喫一起飲用的一份凍檸茶，用爲數不多的袋裝設計，品牌的logo和形象都十分可愛吸睛，但袋口有點“界手”。

d.性價比（4星）：RMB15/650ml，一袋行街睇戲路過可以順手購買的凍檸茶，符合夏日解渴的標準。

地址：

北京路168號仰忠匯4樓A403-1

江南西紫金大街31-2號首層

賞飲·Will tea

a.茶濃度（4星）：非常有茶味，茶湯濃郁。

b.甜酸度（4星）：酸甜度適中，檸檬片用傳統擠壓果肉的方式進行製作，並沒有採用大流的捶打模式。

c.整體感覺（4星）： 一家很有性格的茶飲店，門店位置隱藏在北京路，老闆娘非常細緻製作檸檬茶，而且很熱情交流，檸茶講究拿到馬上飲的“快感”，不提倡打包或久放飲用，每日下午2點後營業（主要看心情）。

d.性價比（4星半）：RMB13/700ml，可以說是性價比非常高了，澀得有層次的檸茶有熱有凍，一樣風味十足，如果要來和記得看準時間！

地址：

越秀區西湖路38號駿億品牌中心二樓223號鋪

Final偏好結果推薦

茶濃度優先推薦

吳小檸檬紅茶

甜酸度優先推薦

流浪檸檬茶

整體感覺優選推薦

紛享Sharein

性價比推薦

賞飲·Will tea

最後爲今次測評來個小小嘅總結，雖然檸檬茶測評手冊2.0只擺出來左十間店鋪，但繫好多店鋪都已經篩選過了。剩低嘅店鋪，間間都有唔同嘅口味，唔同側重點，各有千秋，可以話大家都可以喺唔同嘅店鋪穩到巖自己心水嘅那杯檸檬茶。

同時，在探訪一間糖水鋪嘅時候竟然有檸檬茶讓我們感覺好驚喜。食糊嘅檸檬茶名都好有趣：“新泡茶”，同“新抱茶”發音又好接近。

另外，當我地order某間檸檬茶外賣產品嘅時候，店家唔記得放糖，所以一杯檸茶味道寡淡，既冇茶味又冇檸檬味，讓我哋比較失望咯。

而且，在我們策劃、以及走訪中發現，現在檸檬茶店越開越多，口味的同質化卻越來越嚴重，雖然菜單上可以選擇的品種越來越多，但感覺逐漸失去了一杯凍檸茶的簡單實在的解渴感。

你覺得呢？

上期回顧：

凍檸茶實測手冊 | 每個人心目中都有屬於自己嘅果杯茶~ Q & A

—— 今期互動話題 ——

除左檸檬茶，你地還有邊啲解暑飲品？

連續日日原創精彩文章+蒐羅有趣內容，你訂閱了嗎？

與其他人截然不同的微信公衆平臺——黑色污染美食手冊

搜索：hswrfood添加！

點擊關鍵字查看：廣州|長沙|成都|汕頭|西班牙| 活潑 | 奶茶 |臺北咖啡| 清邁 | 曼谷 | 日本所沢|廈門|濟州島|PinkSTAR|亞洲BEST50|上海米其林|腸粉|雲吞麪|咖啡|世界BEST50|咖啡2| 炒牛河 |軟雪糕|老壇酸菜牛肉麪|日本秋田