TVB新馬視帝袁偉豪（Ben）5月11日慶祝38歲生日，女友張寶兒在身邊和他一起切蛋糕，簡直就是結婚前的節奏啊！

生日當天，除了女友一起慶祝，其實還有一班“將軍澳福利會”兄弟姐妹胡定欣、胡蓓蔚、單立文等。

胡定欣還祝袁偉豪“繼續賺多啲，你買法拉利！”。

袁偉豪12日也在社交平臺發帖：“其實每年生日朋友問我想怎樣慶祝？想要什麼禮物？其實我只想簡簡單單跟大家喫飯聚一聚，我已經很滿足！因爲生日其實應該要爲我媽媽慶祝一下，因爲生我出來的人是我媽媽，感激有你們福利會的朋友 P.S. 過去一年我活得很充實”

女友寶兒亦送上生日祝福：“Happy birthday to my 大佬B”。

日前袁偉豪與女友張寶兒跟一衆《鐵探》的TVB演員相約食飯睇大結局，明天是Ben的38歲生日，大會安排蛋糕提早爲他慶祝，衆人即時起鬨叫Ben娶寶兒，他即時叫大家冷靜。

問到正日如何慶祝？他笑言約了脊醫：“我後脊好痛，搞到全日都偏頭痛同牙痛。（女友點同你慶祝？）我要問嚇佢先。呢兩日都約咗朋友食晚飯，我唔鍾意大搞，40歲先啦！（有咩生日願望？）身體健康，希望工作上有多啲新嘗試。（人生大事呢？）袋住先！大家多多包涵，我哋有自己嘅步伐。”

Ben早前跟楊明到了哥倫比亞拍攝《打工挨世界3》，他稱因當地網絡不穩定，所以未能追劇，亦沒有跟女友視像。講到劇情非常催淚，他說：“我尋晚有睇都唔錯，屋企人都有打畀我，話好感動。

（網民撐惠英紅攞視後？）暫時都好有優勢，不過好多劇都未上，我都想佢攞，難得佢返嚟拍劇，系佢巔峯之作。（你攞視帝？）我做到自己想做，有朋友話想我攞，但我受之有愧，喺我個角度冇完美，只求做得好過上一部，做到自己本分，獎項就睇觀衆。”

對於男友生日，寶兒稱禮物要保密：“其中一份禮物喺海外訂購，仲未送到。（包起你自己做禮物？）每年都送會悶，聽日會同埋朋友一齊食飯。（介意冇得二人世界？）我哋做呢行經常都好忙，大家可以夾到一齊食飯好難得。”

對於Ben表示人生大計要袋住先，她說：“袋住先！我哋未去到呢個階段，都好享受拍拖階段。”