女星陳法拉現身品牌活動，她透露剛由美國回來，逗留不足一天又會離開香港，她表示：“因爲嗰邊chur得好勁，要度期返嚟。我要喺飛機上讀劇本，系試鏡嘅劇本，經常會突然掟過嚟，今日唔知聽日事，而下星期就會去威尼斯出席電影節。”

陳法拉、張敬軒示範着最新秋冬裝。

她坦言期待放假，提到今月初她與男友同遊法國，她解釋只是工作，順道旅行三天。她又大嘆“唔夠喉”，並笑言之前答應會在社交網站上載泳照，早前亦已找數。

講到被指不是正面照時，她說：“下次啦！今年夏天已經過咗。我答應大家下次放正面照。（今次不放正面照咁孤寒？）三點式仲孤寒？我好耐冇試過，因爲之前忙讀書，冇乜機會放假去沙灘，希望嚟緊有機會，我要keep住身形唔好變，爲咗答應大家。”

問到該照片是否由男友操刀？法拉笑言：“系囉！我跑，佢追唔切，所以張相只系影到我背面。（佢影相技術OK？）我會教佢，有進步空間。

（好勞氣？）系，你知啦！叫人影相，十張有九張都用唔到。我要同佢慢慢溝通，佢都開始明，但始終佢唔系做呢行，悟性系差啲，冇乜藝術角度。”