结婚4周年！杨怡晒咀嘴合照闪亲汤洛雯

今年4月诞下囡囡小珍珠嘅杨怡，有女万事足，不过佢都冇唔记得佢同老公罗仲谦嘅大日子！佢喺社交网大放闪光弹，上载两人从未曝光嘅咀嘴Sweet爆合照，原来昨日系佢哋结婚4周年：“2017年的今天，我们身处布拉格，度过了第一个结婚周年❤️2020年的今天，你有你的工作，我有我忙碌（凑女），虽然平淡，但却充实⋯⋯感谢缘分让我们遇见彼此！”影到呢个咁自然嘅一刻，系全靠袁伟豪，杨怡都感谢对方：“不得不提这张照片的幕后功臣，新一代年青有为的摄影师， 谢谢你为我们记录了美好的时刻❤️”蜜运中嘅汤洛雯（靓汤）都留言大赞“Too sweet… 晕咗”，不过中秋节佢就未能同男友马国明度过，事关男方要忙拍新剧《儿科医生》，好Lonely嘅靓汤就要用电话玩灯笼赏月，网民都乘机问佢几时到佢哋拉埋天窗呀！结婚纪念日要开工 罗仲谦准备神秘惊喜凼杨怡

10月2日正是罗仲谦与杨怡的结婚纪念，但撞正老公要拍剧，杨怡受访时坦言不太着重仪式，于中秋节吃饭便当庆祝了，而罗仲谦则表示自女儿“小珍珠”出世后，对所有节日的感觉都有所不同：“今年系第一个一家三口过嘅中秋节，希望圆圆满满。”至于结婚纪念日，他表示：“我都有准备惊喜同小礼物畀太太，不过因为一朝早要开工拍《儿科医生》，都希望早啲拍完返屋企同太太sweet sweet吓。”转自看港剧